जि.प.प्राथमिक शाळा रजापूर
*परीस स्पर्श- कथाकथन कार्यक्रम*
दिनांक 27 सप्टेंबर 2022
*कथाकार- श्री. गणेश मोढे*
जिल्हा परिषद औरंगाबादच्या शिक्षणाधिकारी मा. जयश्री चव्हाण मॅडम, जिल्हा शिक्षण व प्रशिक्षण संस्थेचे प्राचार्य मा.कधी कलीमुद्दीन शेख सर यांच्या मार्गदर्शन आणि प्रेरणेने आमच्या जिल्हा परिषद प्राथमिक शाळा रजापूर येथे आज परीस स्पर्श या कार्यक्रमाचे आयोजन करण्यात आले होते. सदरील कार्यक्रमात आज कथाकार श्री. गणेश मोढे यांनी 'आळशी सिंह' ही कथा विद्यार्थ्यांना सांगितली. विद्यार्थ्यांनी व व्यक्तीने कधीही फुकटचे घेऊ नये, आपण आपले कर्म करीत राहिले पाहिजे असा मोलाचा संदेश सिंहाच्या जीवनावरून देण्याचा गणेश भाऊ मोढे यांनी सुंदर प्रयत्न केला. 'आवडीचा रे माझा सिंह प्राण्याचा रे राजा' हे कृतीयुक्त गीत विद्यार्थ्यांकडून त्यांनी म्हणवून घेतले. यावेळी उत्स्फूर्तपणे तेजश्री काळे मॅडम व उपासना सेलूकर मॅडम यांनी देखील छोट्या- छोट्या कथा सांगितल्या. गेल्या दोन महिन्यापासून दर शनिवारी दप्तर मुक्त शाळा हा उपक्रम राबविण्यात येत असून या पुढचा टप्पा म्हणून आज 'परीस स्पर्श' या कार्यक्रमाचे आयोजन करण्यात आले होते. या अंतर्गत शाळा शाळा मधून कवी, लेखक ,कथाकार, नाटककार यांच्याशी विद्यार्थ्यांचा संवाद व्हावा हा या कार्यक्रमाचा हेतू होता. कार्यक्रमाचे सूत्रसंचालन संजय खाडे यांनी केले, आभार उपासना सेलूकर यांनी मांडले.यावेळी शिक्षक श्रीकांत गोरे सर, वैजयंती गंधे मॅडम यांची उपस्थिती होती. १५१ विद्यार्थ्यांना या कथाकथनाचा लाभ मिळाला.🙏🏻🙏🏻🌹🌹🌷🌷
