प्लिकर्स अँप

बहुपर्यायी प्रश्नांची उत्तरे झटपट जाणून घेऊया प्लिकर्स अँपच्या सहाय्याने

मुलांना नवं नवं हवं असतं. म्हणून आज त्यांना QR कोड द्वारे बहुपर्यायी प्रश्नांची उत्तरे देण्याची संधी आमच्या जिल्हा परिषद प्राथमिक शाळा रजापूरच्या विद्यार्थ्यांना उपलब्ध करून दिली. प्लिकर्स अँप द्वारे क्षणात उत्तरे मिळाली. जाणून घेऊ थोडंसं.

वर्गातील विद्यार्थ्यांना बहुपर्यायी प्रश्न विचारून ते तपासून देणे शिक्षकांसाठी मोठे जिकरीचे काम असते.शिवाय वेळ जास्त लागतो. यावर एक अत्यंत सोपा उपाय म्हणजे Plikers अँप. प्रथम https://www.plickers.com वर जाऊन  वर्गातील विद्यार्थ्यांची हजेरी क्रमांक नुसार नोंद Classes मध्ये करावी.New set द्वारे प्रश्न लिहावेत ते Your Library मध्ये प्रश्न संग्रहित राहतील.  A,B,C, D चार पर्याय द्यावे. विद्यार्थ्यांना plikers वरून डाऊनलोड केलेल्या Q R कोड च्या प्रिंट काढून घ्याव्यात. विद्यार्थ्यांना प्रत्येकी एक हजेरी क्रमांक नुसार द्यावे. विद्यार्थी प्रश्न ऐकताच QR कोडचा योग्य पर्याय वरील बाजूस धरतील. शिक्षकांनी प्रश्न विचारून मोबाईल मध्ये हे अँप डाउनलोड करून अँप द्वारे स्कॅन करावे. प्रतिसाद देणाऱ्या विद्यार्थ्यांची नावे मोबाईल स्क्रीन वर दिसू लागतात.सर्वांचे स्कॅन होताच बरोबर उत्तर असणाऱ्या विद्यार्थ्यांची नावे लगेच मिळतात. टक्केवारी कळते. कुणाची उत्तरे चुकली तेही कळते. आलेख नुसार माहिती बघता येते. विद्यार्थ्यांना या नव्या तांत्रिक पद्धतीने उत्तरे देण्याचा आनंद वाटतो. शिक्षकांचा वेळ व परिश्रम वाचतात.

https://www.plickers.com/library